الأحد، 30 نوفمبر 2014
ثورة
شعارك ليه ..
يا روح ما بعدك روح.؟
والحق فيكِ يابلد دايم بيروح.!!
قاسيه عليا ليه؟
دَ انا إبنك ..!!
و الآه منك يابلد
عشانها تروح الروح
.
.
وقلمي
ــــــــــــــــــــــ
ميت..!!
من إمتىَّ ميت؟
ومن إمتىَّ كنت عايش ؟
ورصاص الغدر يقتل حلمنا
ويقولوا ده رصاص طايش !!
الفصل بينا وبينهم كلمة
"يارب" آديني عايش ميت
وميت عايش
.
.
وقلمي
ــــــــــــــــــــــ
يافجر ياللي جاي
ليه دايما بتتأخر!!
يدوب توصل عندنا
تقف وتتسَّمر!!
يامصر مليت ضلمتك
وبقول الفجر جاي جاي
اتاريه واقف بعيد
وكمان بيتمختر !!
.
.
وعجبي
وقلمي
الاشتراك في:
الرسائل (Atom)