السبت، 3 أكتوبر 2015
الأمان
بتقولوا الأمان........هو الأمان فين.؟!!
ندور عليه عمرنا ايام وسنين
دورنا عليه كتير...
لقينا نفسنا عاجزين.
لاطُلنَا بإدينا السما
ولا مسكت إدينا الطين.
غرقنا وسط الهموم...
ماتمدت لينا إدين.
خرجنا لحظة رضا...
ماعرفنا رايحين فين.
وكل حالنا إنقضى....
وسمعنا صوت الصدا
يُرج كل الفضا
إنتوا مروحين.
اليوم ده لحظة تعب...
وبكرة راحة سنين.
والمكتوب إللى انكتب...
مسطور فوق الجبين.
تقُولِي فين الأمان ؟
نقول وسط القدر
وبقدرته عايشين.
نرضى كلام ربنا...
ومسيرنا مروحين.
.
.
.
أرشيف وقلمــــ الهمس
الاشتراك في:
تعليقات الرسالة (Atom)
ليست هناك تعليقات:
إرسال تعليق